Rasija ŭdaryła avijabombami pa Kramatorsku i Zaparožžy, užo 17 zahinułych
Dniom 5 maja rasijskija vajskoŭcy nanieśli avijaŭdar pa centry horada Kramatorska na Danbasie. Udar tryma fuhasnymi avijabombami byŭ naniesieny pa miescy, dzie znachodzilisia mirnyja žychary, paviedamiŭ prezident Ukrainy Uładzimir Zialenski.
Kramatorsk paśla ŭdaru. Fota: t.me/V_Zelenskiy_official
U Kramatorsku viadoma pra jak minimum piać zahinułych i jašče piać paranienych. Ułady papiaredžvajuć, što kolkaść achviar moža pavialičycca.
Na miescy pracujuć usie ekstrannyja słužby: ratavalniki raźbirajuć zavały, miedyki akazvajuć dapamohu paciarpiełym.
Kramatorsk paśla ŭdaru. Fota: t.me/V_Zelenskiy_official
U toj ža čas kiraŭnik Zaparožskaj abłasnoj vajskovaj administracyi Ivan Fiodaraŭ paviedamiŭ pra ŭdar rasijskimi KABami pa Zaparožžy. Tam achviar jašče bolš — zahinułych jak minimum 12, paranienych 16.
Paśla ŭdaru pa Zaparožžy. Fota: t.me/ivan_fedorov_zp
«Vorah atakavaŭ KABami niekalki pradpryjemstvaŭ Zaparožža. Harać aŭtamabili, krama i pradpryjemstva, — voś takija nastupstvy varožaj ataki pa Zaparožžy», — napisaŭ Fiodaraŭ.
Paśla ŭdaru pa Zaparožžy. Fota: t.me/ivan_fedorov_zp
Čytajcie taksama:
Udar pa Čebaksarach nanieśli rakietami «Fłaminha»
Čatyry čałavieki zahinuli, 31 paranieny ŭ vyniku rasijskaha ŭdaru pa Pałtavie
Maštabnaja pavietranaja ataka na rehijony Rasii za 4 dni da paradu. U Čuvašyi haryć zavod VPK
U Rasii abjavili pieramirje na 8 i 9 maja i pahražajuć udaryć pa centry Kijeva