Litva aficyjna ŭvodzić limit na ŭvoz paliva ź Biełarusi
Litoŭskaja mytnia aficyjna paćvierdziła, što abmiežavańni na ŭvoz paliva ŭ Litvu ź Biełarusi pačnuć dziejničać z 3 maja 2026 hoda. Pra heta piša abw.by.
Dakumient apublikavany na aficyjnym sajcie litoŭskaj mytni. U vyniku z 3 maja ŭ Litvu z Rasii i Biełarusi možna budzie ŭvieźci nie bolš za 200 litraŭ paliva ŭ standartnych bakach aŭtamabilaŭ.
Abmiežavańni buduć dziejničać da 31 śniežnia 2027 hoda.
Raniej litoŭskija ŭłady zajaŭlali, što lišak paliva ŭ bakach aŭtamabilaŭ niaredka niezakonna pradajuć u Litvie, z-za čaho dziaržava hublaje padatkovyja pastupleńni.
Z 1 studzienia 2025 hoda Łatvija ŭviała limit na ŭvoz paliva pieravozčykami z trecich krain. Abjom dyzielnaha paliva ŭ baku taksama nie pavinien pieravyšać 200 litraŭ.