Biełaruskija futbalisty zhulajuć ź siryjcami
Vyznačyŭsia pieršy sapiernik futbolnaj zbornaj Biełarusi ŭ letnim mižnarodnym pierapynku. Pra heta paviedamili ŭ Asacyjacyi «Biełaruskaja fiederacyja futboła» (ABFF).
Fota: ABFF
5 červienia padapiečnyja Viktara Hančarenki zhulajuć na poli Nacyjanalnaha futbolnaha stadyjona ŭ Minsku z kamandaj Siryi.
Heta budzie druhaja ŭ historyi tavaryskaja sustreča biełaruskich i siryjskich futbalistaŭ. U pieršaj hulni, jakaja adbyłasia ŭ listapadzie 2022 hoda ŭ Dubai, biełarusy atrymali pieramohu ź likam 1:0. Ciapier zbornaja Biełarusi zajmaje 97‑ie miesca ŭ rejtynhu FIFA, a kamanda Siryi znachodzicca na 84‑j pazicyi.
Pieršyja kantrolnyja matčy novaha siezona biełaruskaja kamanda pad kiraŭnictvam Hančarenki praviała paśpiachova. Spačatku ŭ Nikasii biełarusy abyhrali zbornuju Kipra — 1:0, a zatym u Jerevanie pieramahli kamandu Armienii — 2:1.
Vosieńniu zbornaj Biełarusi treba budzie zhulać u čarhovym siezonie Lihi nacyj UEFA. U hrupie S1 ich sapiernikami buduć zbornyja Finlandyi, San-Maryna i Ałbanii.
Čytajcie taksama:
Futbolny kłub u Niderłandach dušeŭna pravioŭ na piensiju pračku, što myła futbołki hulcoŭ 27 hadoŭ
Hałoŭnaha treniera čempijona Biełarusi pa futbole adpravili ŭ adstaŭku paśla turaŭ čempijanatu