Беларускія футбалісты згуляюць з сірыйцамі
Вызначыўся першы сапернік футбольнай зборнай Беларусі ў летнім міжнародным перапынку. Пра гэта паведамілі ў Асацыяцыі «Беларуская федэрацыя футбола» (АБФФ).
Фота: АБФФ
5 чэрвеня падапечныя Віктара Ганчарэнкі згуляюць на полі Нацыянальнага футбольнага стадыёна ў Мінску з камандай Сірыі.
Гэта будзе другая ў гісторыі таварыская сустрэча беларускіх і сірыйскіх футбалістаў. У першай гульні, якая адбылася ў лістападзе 2022 года ў Дубаі, беларусы атрымалі перамогу з лікам 1:0. Цяпер зборная Беларусі займае 97‑е месца ў рэйтынгу ФІФА, а каманда Сірыі знаходзіцца на 84‑й пазіцыі.
Першыя кантрольныя матчы новага сезона беларуская каманда пад кіраўніцтвам Ганчарэнкі правяла паспяхова. Спачатку ў Нікасіі беларусы абыгралі зборную Кіпра — 1:0, а затым у Ерэване перамаглі каманду Арменіі — 2:1.
Восенню зборнай Беларусі трэба будзе згуляць у чарговым сезоне Лігі нацый УЕФА. У групе С1 іх сапернікамі будуць зборныя Фінляндыі, Сан-Марына і Албаніі.
Чытайце таксама:
Футбольны клуб у Нідэрландах душэўна правёў на пенсію прачку, што мыла футболкі гульцоў 27 гадоў
Галоўнага трэнера чэмпіёна Беларусі па футболе адправілі ў адстаўку пасля тураў чэмпіянату