U Nacyjanalnym histaryčnym muziei narešcie rasčytali nadpis na staražytnaj šabli sa svaich fondaŭ
U Nacyjanalnym histaryčnym muziei Biełarusi dziakujučy supracoŭnictvu z amanskimi kalehami zmahli rasčytać nadpis na šabli XVIII stahodździa, jakaja naležała šlachcicu — słuzie kniazia Karala Stanisłava Radziviła «Panie Kachanku», paviedamiła pres-słužba Ministerstva kultury.
Fota ilustracyjnaje
Raniej ličyłasia, što ŭzory na klinku — heta prosta dekaratyŭnaja imitacyja ŭschodniaha piśma. Adnak novyja daśledavańni pakazali, što nasamreč heta sapraŭdny tekst.
Pracu pravodzili biełaruskija śpiecyjalisty razam z kalehami z muzieja Amana. U vyniku ŭdałosia ŭstanavić, što nadpis vykanany piersidskim piśmom (nastalik) i maje kankretny sens.
Na šabli źmieščanyja frazy, źviazanyja z relihijnaj tradycyjaj: adna ź ich havoryć: «Niama hieroja, akramia Ali, niama miača, akramia Zulfikara», druhaja: «Vieru ŭ Boha».
Akramia hetych nadpisaŭ, na šabli jość pazałočany nadpis na polskaj movie, jaki śviedčyć pra suviaź uładalnika z rodam Radziviłaŭ i paćviardžaje jaho słužbu kniaziu.
Usiaho razam z amanskimi śpiecyjalistami ŭdałosia ŭdakładnić charaktarystyki kala piacidziesiaci ekspanataŭ — zbroi, daśpiechaŭ i maniet.
U budučyni hetyja pradmiety płanujuć pakazać u novaj ekspazicyi muzieja.
Čytajcie taksama:
Na budynku novaha Nacyjanalnaha histaryčnaha muzieja źjavilisia hareljefy. Što na ich?