Džej Dzi Vens nie pajedzie na novyja pieramovy ź Iranam

Śpiecpasłańnik prezidenta ZŠA Styŭ Uitkaf i ziać Donalda Trampa Džared Kušnier nakiroŭvajucca ŭ Isłamabad, dzie źbirajucca pravieści pieramovy ź ministram zamiežnych spraŭ Irana Abbasam Arakčy. A voś vice-prezident ZŠA Džej Dzi Vens pakul što nie płanuje ŭdziełu ŭ hetym raŭndzie pieramoŭ, piša CNN sa spasyłkaj na krynicy.

Džej Dzi Vens. Fota: Jonathan Ernst-Pool/Getty Images

Raniej mienavita Džej Dzi Vens uznačalvaŭ amierykanskuju delehacyju na pieramovach ź Iranam, ale ciapier jon nie jedzie, bo ŭ sustrečy nie ŭdzielničaje śpikier iranskaha parłamienta Machamad-Bahier Halibaf. U toj ža čas Vens hatovy dałučycca, kali pieramovy pačnuć davać vynik.

Čakajecca, što ŭ Isłamabadzie iranski bok pradstavić svaju pazicyju nakont dalejšaha dyjałohu z ZŠA. Na hety momant u Pakistanie ŭžo prysutničaje amierykanskaja delehacyja, ale jana vykonvaje tolki dapamožnyja funkcyi i nie maje paŭnamoctvaŭ vieści pieramovy.

Iran praciahvaje nastojvać na tym, što klučavoj umovaj dla prasoŭvańnia pieramoŭ napierad źjaŭlajecca źniaćcie amierykanskaj błakady jaho partoŭ.

Adnačasova ŭ izrailskich ŚMI źjavilisia paviedamleńni pra mahčymy vychad Halibafa ź pieramoŭnaj hrupy. Pavodle niekatorych krynic, heta moža być źviazana z roznahałośsiami ŭnutry iranskaha kiraŭnictva i niaŭdačaj inicyjatyŭ, źviazanych z častkovym adnaŭleńniem sudnachodstva praz Armuzski praliŭ.

Aficyjnyja pradstaŭniki Irana hetyja źviestki abvierhli i zajavili, što Halibaf praciahvaje vykonvać svaje abaviazki, a kančatkovy skład pieramoŭnaj delehacyi jašče nie vyznačany.

Kamientary da artykuła