193 na 193. Ukraina i Rasija praviali novy abmien vajennapałonnymi
Rasija i Ukraina 24 krasavika praviali čarhovy abmien vajennapałonnymi pa formule «193 na 193». Pra heta spačatku paviedamiła rasijskaje Ministerstva abarony, a paźniej infarmacyju paćvierdziŭ prezident Ukrainy Uładzimir Zialenski. Abmien adbyŭsia pry pasiarednictvie ZŠA i Abjadnanych Arabskich Emirataŭ.
Fota: Kaardynacyjny štab Ukrainy pa pytańniach abychodžańnia z vajennapałonnymi
Ukrainski bok paviedamiŭ, što dadomu viarnulisia pradstaŭniki roznych siłavych struktur: Uzbrojenych sił, Nachvardyi, pamiežnaj słužby, palicyi i transpartnaj śpiecsłužby. Siarod vyzvalenych jość paranienyja, a taksama tyja, suprać kaho ŭ Rasii byli zaviedzienyja kryminalnyja spravy.
Pa słovach rasijskaha boku, ich vajskoŭcy paśla vyzvaleńnia znachodziacca ŭ Biełarusi, adkul ich paźniej dastaviać u Rasiju dla lačeńnia i reabilitacyi.
Heta ŭžo nie pieršy abmien za apošni čas. Papiaredni adbyŭsia 11 krasavika, na Vialikdzień — tady baki abmianiali pa 175 vajennapałonnych i viarnuli taksama pa siem mirnych žycharoŭ. Jašče raniej, u sakaviku, prajšli niekalki bujnych abmienaŭ, u tym liku pa 200 i pa 300 čałaviek. U pačatku lutaha baki abmianialisia 157 vajennapałonnymi.
Čytajcie taksama:
Ukraina i Rasija praviali vialiki vielikodny abmien
Ukraina i Rasija praviali čarhovy abmien ciełami zahinułych vajskoŭcaŭ