Viasnovyja subotniki na bierahach: što ź imi nie tak?

Viasna — čas hniezdavańnia ptušak, ale adnačasova i čas subotnikaŭ. Ludzi chočuć dapamahčy pryrodzie i prybrać ad śmiećcia bierahi rek i vadajomaŭ paśla zimy. Ale arnitołahi i pryrodaachoŭniki bjuć tryvohu: masavaje viasnovaje prybirańnie bierahoŭ časta prynosić bolš škody, čym karyści, piša telehram-kanał «Dzikaja pryroda pobač».

Zdymak ilustracyjny. Fota: Wikimedia Commons

Pa bierahach vadajomaŭ, u letašniaj travie, pad kustami i karčakami časta pobač sa śmiećciem nasiedžvajuć jajki kački, kuliki, čajki i inšyja ptuški. Płaŭnik, uklučajučy śmiećcie, časta słužyć zručnaj asnovaj dla hniezdavańnia kalavodnych ptušak.

Kali ludzi z hrablami, miotłami i miaškami pračesvajuć bierah, jany vypadkova zhaniajuć ptušak z hniozdaŭ i demaskirujuć kładki dla drapiežnikaŭ.

Jak ža lepš zrabić? Viasnoj i ŭ červieni prybirać śmiećcie kropkava: vakoł miesca rybałki ci na miescy piknika, ale nie zachodzić u zaraśniki. Masava ž prybirać lepš u lipieni—vieraśni — kali ptušaniaty pakinuć hniozdy.

Kamientary da artykuła