Ukraincy paviedamili pra źniščeńnie 12 aficeraŭ FSB u Daniecku
Pavodle zajavy kamandujučaha Siłami bieśpiłotnych sistem Ukrainy Robierta Broŭdzi («Madźjara»), 22 krasavika ŭ akupavanym Daniecku byŭ atakavany punkt FSB Rasii. Śćviardžajecca, što ŭ vyniku ŭdaru zahinuli 12 aficeraŭ, jašče kala 15 čałaviek atrymali ranieńni.
Fota: t.me/exilenova_plus
Jak paviedamlaje Robiert Broŭdzi, u apieracyi ŭdzielničali ŭkrainskija padraździaleńni bieśpiłotnikaŭ razam z bajcami «Azova». Pavodle jaho słoŭ, mišeńniu staŭ kamandny punkt struktury FSB, jakaja zajmajecca kontrraźviedkaj i śpiecyjalnymi apieracyjami.
Fota: t.me/exilenova_plus
Adznačajecca, što było naniesiena vosiem dakładnych udaraŭ z vykarystańniem bieśpiłotnych srodkaŭ z bajavoj častkaj značnaj mahutnaści.
Rasijski bok pakul nie paćviardžaŭ i nie kamientavaŭ hetaj infarmacyi.
Raniej u internecie źjaŭlalisia fota i videa, jakija nibyta pakazvajuć nastupstvy ataki.
Čytajcie taksama:
Budanaŭ: Ukraina nie addaść Danbas
U rasijskaj Syzrani padjezd doma abrynuŭsia paśla ataki dronaŭ
Padčas rasijskaj ataki na Chierson dron trapiŭ u aŭtamabil ź ludźmi
Rasijanie praviali ataku dronami na Čarnihaŭ, zahinuŭ padletak