Украінцы паведамілі пра знішчэнне 12 афіцэраў ФСБ у Данецку
Паводле заявы камандуючага Сіламі беспілотных сістэм Украіны Роберта Броўдзі («Мадзьяра»), 22 красавіка ў акупаваным Данецку быў атакаваны пункт ФСБ Расіі. Сцвярджаецца, што ў выніку ўдару загінулі 12 афіцэраў, яшчэ каля 15 чалавек атрымалі раненні.
Фота: t.me/exilenova_plus
Як паведамляе Роберт Броўдзі, у аперацыі ўдзельнічалі ўкраінскія падраздзяленні беспілотнікаў разам з байцамі «Азова». Паводле яго слоў, мішэнню стаў камандны пункт структуры ФСБ, якая займаецца контрразведкай і спецыяльнымі аперацыямі.
Фота: t.me/exilenova_plus
Адзначаецца, што было нанесена восем дакладных удараў з выкарыстаннем беспілотных сродкаў з баявой часткай значнай магутнасці.
Расійскі бок пакуль не пацвярджаў і не каментаваў гэтай інфармацыі.
Раней у інтэрнэце з’яўляліся фота і відэа, якія нібыта паказваюць наступствы атакі.
Чытайце таксама:
Буданаў: Украіна не аддасць Данбас
У расійскай Сызрані пад’езд дома абрынуўся пасля атакі дронаў
Падчас расійскай атакі на Херсон дрон трапіў у аўтамабіль з людзьмі