Pastrožyli praviły pracy taksi
Alaksandr Łukašenka padpisaŭ ukaz «Ab aŭtamabilnych pieravozkach pasažyraŭ u nierehularnym spałučeńni», jaki karektuje praviły ŭ hetaj śfiery ŭ bok ich pastrožvańnia.
Zdymak ilustracyjny. Fota z sacsietak
Dakumient pašyraje pieralik źviestak, jakija abaviazkova pavinny ŭnosicca ŭ śpiecyjalny rejestr pieravozčykaŭ. Kali patrabavanaj infarmacyi niama, dziejnaść budzie ličycca niezakonnaj.
Taksama ŭvodziacca novyja padstavy dla prypynieńnia pracy pieravozčykaŭ. Siarod ich — niepadača padatkovaj dekłaracyi, zapazyčanaści pa padatkach abo padača niedakładnych źviestak. Heta zroblena, kab zmahacca ź firmami-adnadzionkami.
Akramia taho, zabaraniajecca vykarystoŭvać transpart tych pieravozčykaŭ, jakich vyklučyli z rejestra za parušeńni. Viarnucca ŭ rejestr jany zmohuć nie raniej čym praz try miesiacy.
Jašče adna źmiena — pašyrany śpis pieravozak, na jakija nie raspaŭsiudžvajucca raniejšyja praviły, vyznačanyja ŭkazam ad 25 studzienia 2024 hoda № 32 «Ab aŭtamabilnych pieravozkach pasažyraŭ».
Čytajcie taksama:
Usie aŭtobusy abaviazali mieć sistemy videafiksacyi i ramiani biaśpieki dla pasažyraŭ
Ci abaviazkova ŭ hramadskim transparcie zdymać zaplečniki?
Što źmienicca ŭ pracy maršrutak — asnoŭnyja novaŭviadzieńni
«A ludziej spytać?» Adny klanuć Łukašenku za namier likvidavać maršrutki, inšyja chvalać