U rajonie vulicy Majakoŭskaha ŭ Minsku źniasuć pryvatny siektar i pabudujuć try šmatpaviarchoviki
U hetaj miascovaści padlahajuć znosu i adsialeńniu 345 domaŭładańniaŭ. Pra heta ahienctvu «Minsk-Naviny» raskazaŭ kiraŭnik administracyi Leninskaha rajona Raman Mielnik.
Zdymak ilustracyjny. Fota: «Jandeks-Karty»
«Zaraz asvojvajem terytoryju ŭ miežach vulic Paleskaj i Łuhavoj. Praduhledžany znos 34 siadzibaŭ i ŭźviadzieńnie troch 25‑paviarchovych žyłych damoŭ ahulnaj płoščaj 39 366 kvadratnych mietraŭ z vyłučeńniem čerhaŭ budaŭnictva na praciahu 2027—2030 hadoŭ», — paviedamiŭ čynoŭnik.
Jaho infarmacyju dapoŭniŭ staršynia kamiteta architektury i horadabudaŭnictva Minharvykankama Viktar Hućko:
«Terytoryja ŭ rajonie vulic Paleskaj, Aranžarejnaj i Łuhavoj pakrytaja horadabudaŭničaj dakumientacyjaj detalovaha płanavańnia. Raspracavanaja kancepcyja raźmiaščeńnia abjektaŭ, jakaja praduhledžvaje ŭźviadzieńnie troch šmatkvaternych žyłych damoŭ — tak zvanych «śviečak». Nakolki mnie viadoma, užo aformleny akt vybaru ziamielnaha ŭčastka i zakazčyk, UKB Savieckaha rajona, zajmajecca acenkaj abjektaŭ nieruchomaj majomaści, jakaja padlahaje znosu, kab zrabić kampiensacyju».
Čytajcie taksama:
U hetym hodzie płanujecca maštabnaja zabudova Łošycy
Na budaŭnictvie ŽK «Hulivier» u Minsku zahinuŭ rabočy
Dla budučaj zabudovy ŭ Minsku zabiaruć kala 5 tysiač hiektaraŭ ziamli ŭ pryharadach