Cichanoŭskaja zaklikała hałasavać na vybarach u Kaardynacyjnuju radu
U svaim videazvarocie demakratyčnaja lidarka padziakavała ŭsim, chto praciahvaje padtrymlivać Biełaruś, havaryć i dziejničać. Jana padkreślivaje, što źmieny pačynajucca z udziełu.
Cichanoŭskaja zaklikała ŭvažliva aznajomicca z kandydatami i ich prahramami i zrabić svoj vybar:
«Ludzi, jakija vyrašyli bałatavacca ŭ Kaardynacyjnuju Radu, zrabili śviadomy vybar. Jany razumieli, z čym sutyknucca: cisk, pahrozy, ryzyki. I ŭsio roŭna jany vybrali bałatavacca. I heta vyklikaje ščyruju pavahu.
Biełaruś budujecca ŭ kožnym rašeńni, u kožnym vybary. I Kaardynacyjnaja rada budzie takoj, jakoj my jaje zrobim. Ciapier, na hetym etapie vybarčaj kampanii, asabliva važna nie śpiašacca, a ŭvažliva paznajomicca sa śpisami, ź ludźmi, jakija iduć u Kaardynacyjnuju radu, i sa źmiestam ich prahramaŭ. Bo śviadomy vybar pačynajecca z razumieńnia. Čym lepš my viedajem, za kaho i za što hałasujem, tym macniejšaj budzie našaja ahulnaja pazicyja. Mienavita siońnia čas čytać, paraŭnoŭvać, unikać u sutnaść i vyznačacca — kab naš hołas byŭ nie prosta hołasam, a adkaznym vybaram dla budučyni Biełarusi», — kaža Cichanoŭskaja.
Vybary ŭ KR IV sklikańnia projduć z 11 pa 17 maja, udzieł biaruć dzieviać błokaŭ z 174 kandydatami.