Pamior viadomy inviestar Mark Mobius
Pra śmierć amierykanskaha inviestara Marka Mobiusa paviedamili na jahonaj staroncy ŭ LinkedIn. Jamu było 89 hadoŭ.
Mark Mobius. Fota: Simon Dawson/Bloomberg via Getty Images
Mark Mobius ličyŭsia adnym z samych viadomych śpiecyjalistaŭ pa inviestycyjach u krainy, jakija raźvivajucca — u Afrycy, Azii, Uschodniaj Jeŭropie i Łacinskaj Amierycy.
Jaho viedali jak čałavieka, jaki šmat padarožničaŭ i vyvučaŭ ekanomiku roznych krain nie tolki pa spravazdačach, ale i praz asabisty dośvied. Mienavita heta dapamahło jamu raniej za inšych zaŭvažyć patencyjał rynkaŭ, jakija doŭhi čas zastavalisia biez uvahi bujnych inviestaraŭ.
Pradstaŭniki inviestycyjnaj kampanii Franklin Templeton adznačyli, što Mobius źmianiŭ pohlad mnohich ludziej na mižnarodnyja inviestycyi i natchniŭ cełaje pakaleńnie dumać šyrej pra mahčymaści ŭ śviecie.
Naradziŭsia Mobius u 1936 hodzie ŭ ZŠA. Bolš za 30 hadoŭ jon pracavaŭ u Franklin Templeton, dzie kiravaŭ napramkam inviestycyj u rynki, što raźvivajucca.
Jon staŭ adnym ź pieršych bujnych inviestaraŭ, chto ŭbačyŭ vialiki patencyjał afrykanskaha kantynienta. U 2012 hodzie jon stvaryŭ śpiecyjalny fond dla inviestycyj u Afryku, a paźniej zasnavaŭ ułasnuju kampaniju Mobius Capital Partners.
Mnohija ŭ finansavym śviecie ličać, što jahony ŭpłyŭ na mižnarodnyja inviestycyi budzie adčuvacca jašče doŭhi čas.
Čytajcie taksama:
Trahična zahinuŭ były bramnik zbornaj Aŭstryi Alaksandr Maninhier