Dron udaryŭ pa elektrapadstancyi ŭ Biełharadzie. Častka horada zastałasia bieź śviatła
Hubiernatar Biełharodskaj vobłaści Viačasłaŭ Hładkoŭ paviedamiŭ, što ranicaj Biełharad atakavali dva drony, u vyniku čaho «na abjekcie enierhietyčnaj infrastruktury adbyłosia ŭzharańnie».
Udar byŭ naniesieny pa elektrapadstancyi «Paŭdniovaja» ŭ Biełharadzie, paviedamlaje vydańnie «Piepieł». Paśla vybuchu na abjekcie pačaŭsia pažar, jaki paźniej patušyli. Abstalavańnie atrymała niaznačnyja paškodžańni.
U centry horada i na niekatorych vulicach u rajonie padstancyi źnikła elektryčnaść, u asobnych vypadkach adklučyłasia i vada. Na niekalkich vulicach pierastali pracavać śviatłafory.
Vydańnie adznačaje, što haradskija enierhietyki «śpiecyjalna adklučyli padstancyju ad siłkavańnia», kab paźbiehnuć karotkich zamykańniaŭ padčas tušeńnia pažaru.