Kitaj moh pieradać Iranu svoj spadarožnik dla naviadzieńnia ŭdaraŭ pa amierykanskich abjektach
Pavodle rasśledavańnia vydańnia Financial Times, Iran nibyta atrymaŭ ad Kitaja raźviedvalny spadarožnik, jaki vykarystoŭvaŭsia dla nazirańnia i naviadzieńnia ŭdaraŭ pa amierykanskich vajskovych abjektach na Blizkim Uschodzie.
Kiraŭnik Kitaja Si Czińpin. Fota: Sergei Bobylev / Sputnik Kremlin Pool Photo via AP
Paviedamlajecca, što havorka idzie pra spadarožnik TEE-01B. Jaho pieradali pavietrana-kaśmičnym siłam Korpusa vartavych isłamskaj revalucyi naprykancy 2024 hoda paśla zapusku z terytoryi Kitaja. Razam z hetym Iran atrymaŭ dostup da naziemnych stancyj kitajskaj kampanii Emposat, što dazvoliła vykarystoŭvać spadarožnik i kiravać im.
Zhodna z uciečkaj dakumientaŭ, iranskija vajskoŭcy vykarystoŭvali spadarožnik dla nazirańnia za amierykanskimi bazami ŭ rehijonie. Siarod ich — avijabazy ŭ Saudaŭskaj Aravii i Ijardanii, a taksama abjekty ŭ Iraku. Spadarožnik nibyta rabiŭ zdymki pierad udarami pa hetych celach.
Kampanija, jakaja zapuskała spadarožnik, śćviardžaje, što jon pryznačaŭsia dla cyvilnych zadač. U Kitai taksama admaŭlajuć abvinavačańni i zajaŭlajuć, što nie ŭdzielničajuć u eskałacyi kanfliktaŭ.
Z boku ZŠA aficyjnych kamientaroŭ nakont hetaj situacyi niama, adnak raniej Donald Tramp papiaredžvaŭ, što Kitaj moža sutyknucca z surjoznymi nastupstvami ŭ vypadku vajskovaj padtrymki Irana.
Čytajcie taksama:
Kitaj źbirajecca patajemna pastavić u Iran sistemy SPA
Jak vajna Trampa ź Iranam nabliziła kaniec nafty i hazu i adkryła darohu elektryčnaści
Iran za miesiac vajny naraściŭ ekspart nafty, adnačasova abmiežavaŭšy kankurentaŭ