Na Radaŭnicu mohiłki ŭ adsielenych čarnobylskich vioskach možna naviedvać biez propusku

Z 18 pa 21 krasavika dazvolać naviedvać zony radyjacyjnaha zabrudžvańnia biez propuskaŭ, ale tolki z 8:00 da 17:00 i vyklučna dla naviedvańnia i ŭparadkavańnia mohiłak. Taki ž paradak budzie dziejničać 9 maja ŭ Chojnickim rajonie (mohiłki vioski Barščoŭka), paviedamlaje BiełTA.

Zdymak ilustracyjny

Na terytoryi Paleskaha radyjacyjna-ekałahičnaha zapaviednika dziejničajuć asablivyja praviły: ujezd i prachod mahčymy tolki paśla instruktažu na kantrolna-prapusknych punktach. Treba mieć pry sabie dakumienty i być hatovym da ahladu transpartu.

U Naraŭlanskim rajonie da mohiłak niekatorych adsielenych viosak (Biełaja Saroka, Chatki, Chutar-Les, Barovičy) možna budzie prajechać 19 i 21 krasavika z 10:00 da 15:00.

Z saboj nieabchodna ŭziać pašpart i dakumienty na transpart. Pierad pajezdkaj rekamiendujecca pravieryć techničny stan aŭtamabila, uziać rydloŭku, tros i zaradžany telefon. Varta taksama zahadzia ŭdakładnić maršrut, bo darohi tam časta drennyja abo ich niama, a mohiłki mohuć znachodzicca ŭ lasach.

Stroha zabaroniena adchilacca ad maršrutu, razvodzić vohniščy, spalvać śmiećcie, zachodzić u zakinutyja budynki i karystacca miascovymi krynicami vady. Rekamiendujecca mieć źmiennaje adzieńnie, pracavać u palčatkach i, pa mahčymaści, u marlevaj paviazcy, a taksama brać vadu z saboj.

Asablivuju ŭvahu treba nadavać biaśpiecy dziaciej i pažyłych ludziej — dzieci pavinny ŭvieś čas być pad nahladam.

Taksama treba ŭličvać, što častka terytoryj znachodzicca ŭ pamiežnaj zonie. Inšaziemcam i asobam biez hramadzianstva nieabchodna zahadzia atrymać śpiecyjalny propusk.

U pieryjad Radaŭnicy na hetych terytoryjach buduć dziažuryć supracoŭniki milicyi, MNS, lasnoj haspadarki i inšych słužbaŭ, a taksama arhanizavana patrulavańnie.

Kamientary da artykuła