U Rasii skončyŭ žyćcio samahubstvam palitźniavoleny mastak

U śpis terarystaŭ Andreja Akuzina dadali ŭžo paśla śmierci, paviedamlaje «Miedyjazona».

Andrej Akuzin

U SIZA ŭ Kamsamolsku-na-Amury zahinuŭ 53‑hadovy mastak Andrej Akuzin, jaki, jak paviedamlajecca, skončyŭ žyćcio samahubstvam paśla aryštu.

Jaho zatrymali 2 krasavika nibyta z-za kamientaryja, pakinutaha ŭ internecie ŭ 2025 hodzie — mahčyma, havorka išła pra łajk abo adkaz na publikacyju. Siabry i znajomyja Akuzina śćviardžajuć, što jon nie mieŭ advakata.

Pavodle słoŭ jaho znajomaj, režysiorki Taćciany Frałovaj, aryštavali jaho za vielmi drobnaje internet-vykazvańnie, i abvinavačvańni ŭ «teraryźmie» jana ličyć absurdnymi.

7 krasavika jamu spoŭniłasia 53 hady, a ŭžo na nastupny dzień jon, jak paviedamlajecca, paviesiŭsia ŭ kamiery. Užo paśla śmierci jaho ŭklučyli ŭ śpis «terarystaŭ i ekstremistaŭ».

Taksama viadoma, što jon u pierapiscy nieadnarazova pisaŭ pra toje, što «adziny svabodny pratest siońnia — heta samahubstva».

Andrej Akuzin byŭ viadomym u Kamsamolsku-na-Amury mastakom: u 2000‑ch u jaho prachodzili piersanalnyja vystavy, a paźniej jon pracavaŭ mastakom-pastanoŭščykam u dramatyčnym teatry.

Kamientary da artykuła