Vyjšaŭ novy tom manahrafii pra biełaruskija havorki ŭ Litvie
U Vilni pry padtrymcy Instytuta litoŭskaj movy vyjšła manahrafija polskaha biełarusista Mirasłava Jankoviaka «Sučasnyja biełaruskija havorki ŭ Litvie. Tom 2: Šalčyninkajski rajon», piša Reform.
Kniha vydadzienaja na polskaj movie, źmiaščaje reziume na anhlijskaj i litoŭskaj.
U pieršym tomie razhladalisia biełaruskija dyjalekty, jakija vykarystoŭvajucca ŭ paŭdniovaj častcy krainy (Varenski rajon). Hety tom znajomić čytača z Šalčyninkajskim rajonam, u jakim razam ź Vilenskaj akruhaj fiksujecca histaryčna davoli adnastajny i mocna pałanizavany šerah biełaruskich dyjalektaŭ. Ź biełaruskaha boku Šalčyninkajski (abo Salečnicki) rajon miažuje z Voranaŭskim, Iŭjeŭskim i Ašmianskim rajonami Haradzienskaj vobłaści.
Jak i pieršaja manahrafija, pryśviečanaja Varenskamu rajonu Litvy, novaja kniha źmiaščaje narys pra sacyjalinhvistyčnuju situacyju ŭ rehijonie i ŭłasna charaktarystyku miascovych biełaruskich havorak (fanietyka, marfałohija, sintaksis, leksika). Važnyja składniki vydańnia — tematyčny słoŭnik, śviežyja dyjalektnyja teksty i fotazdymki.
Usiaho ŭ hetaj sieryi płanujecca šeść tamoŭ. Manahrafii pra Varenski i Šalčyninkajski (Salečnicki) rajony ŭžo vyjšli, napieradzie — padobnyja daśledavańni pra Vilenski, Trocki, Śviancianski dy Ihnalinski rajony.
Vydańnie možna nabyć u kniharni Instytuta litoŭskaj movy (P. Vileišio g. 5, Vilnius).