Na aŭkcyjonie pradaduć łendrover, aformleny ŭ styli Barbi

Na aŭkcyjon Barrett-Jackson u siaredzinie krasavika vystaviać niezvyčajny Land Rover Defender 90 1999 hoda vypusku, jaki całkam aformleny ŭ styli Barbi, piša av.by.

Hety pazadarožnik unikalny tym, što jon adziny ŭ śviecie Defender z takoj poŭnaj «barbi»-tematyzavanaj restaŭracyjaj. Mašyna prajšła poŭnaje adnaŭleńnie ŭ amierykanskim atelje Epic Auto Restorations, jakoje zaniało bolš za hod. Za hety čas aŭtamabil całkam razabrali i adnavili kožny vuzieł paasobku.

Źniešnie aŭtamabil vykanany ŭ jarka-ružovym kolery, a asobnyja elemienty — bampiery, kraty radyjatara, padnožki i karkas biaśpieki — pafarbavanyja ŭ bieły. Kołavyja dyski taksama vytrymanyja ŭ toj ža ružova-biełaj kalarovaj hamie.

Sałon raźličany na šeść čałaviek i całkam pieraciahnuty skuraj u ružova-biełych adcieńniach. Unutry ŭstalavanyja spartyŭnyja siadzieńni ź intehravanymi padhałoŭnikami i sučasnaja multymiedyjnaja sistema z sensarnym ekranam. Navat elemienty, jakija zvyčajna zastajucca płastykavymi, taksama afarbavanyja pad ahulny styl, uklučajučy častki matornaha adsieka.

Pad kapotam ustalavany 2,5‑litrovy dyzielny ruchavik u pary z čatyrochstupienistaj aŭtamatyčnaj karobkaj pieradač. Mahutnaść nie raskryvajecca.

Kančatkovuju canu, za jakuju płanujuć pradać hety aŭtamabil, pakul nie abjavili.

Kamientary da artykuła