Biełarusa zatrymali na miažy, kali jon jechaŭ ź Litvy aŭtobusam
Hrodzienskija mytniki ŭ punkcie propusku «Kamienny Łoh» kanfiskavali ŭ hramadzianina Biełarusi, jaki pryjechaŭ ź Litvy aŭtobusam «Koŭna — Minsk», psichaaktyŭnaje rečyva, paviedamlaje Dziaržaŭny mytny kamitet.
Padazreńnie na najaŭnaść zabaronienych rečyvaŭ uźnikła dziakujučy słužbovamu sabaku ŭ zale mytnaha kantrolu. Mienavita jon pakazaŭ na mužčynu padčas pravierki pasažyraŭ.
Padčas dalejšaha ahladu bahažu ŭ jaho ŭ kaśmietyčcy znajšli słoičak z vadkaściu biez markiroŭki. Ekśpiertyza ŭstanaviła, što heta psichaaktyŭnaje rečyva tetrahidrakanabinoł, a jaho masa składała bolš za 16 hramaŭ.
Mužčynu zatrymali. U dačynieńni da jaho mytnia zaviała kryminalnuju spravu pa adpaviednym artykule (č. 2 art. 328-1) Kryminalnaha kodeksa Biełarusi, jaki praduhledžvaje pakarańnie da 10 hadoŭ pazbaŭleńnia voli.
Čytajcie taksama:
18‑hadovaja dziaŭčyna ŭ Breście pamierła ad pieradaziroŭki, było vyjaŭlena vosiem narkotykaŭ
U Minsku mužčyna pierakuliŭ u kramie dźvie skrynki vina, ale sudzić jaho buduć nie za heta