Zialenski pavinšavaŭ Madźjara ź pieramohaj na vybarach u Vienhryi
Prezident Ukrainy pavinšavaŭ lidara apazicyjnaj partyi «Cisa» ź pieramohaj na parłamienckich vybarach u Vienhryi.
Praŭładny pieradvybarny biłbord u Budapiešcie z partretami prezidenta Ukrainy Uładzimira Zialenskaha i lidara vienhierskaj apazicyi Pietera Madźjara z nadpisami «Jany niebiaśpiečnyja» i «Davajcie ich spynim. Prosta Fides» [partyja Orbana — NN]. Fota: Sean Gallup / Getty Images
«Vinšuju Pietera Madźjara i partyju Cisa ź pierakanaŭčaj pieramohaj. Važna, kali pieramahaje kanstruktyŭny padychod. Ukraina zaŭsiody imknułasia da dobrasusiedskich adnosin z usimi ŭ Jeŭropie, i my hatovyja raźvivać supracoŭnictva ź Vienhryjaj.
Jeŭropa i kožnaja jeŭrapiejskaja dziaržava pavinny stanavicca macniejšymi, i miljony jeŭrapiejcaŭ imknucca da supracoŭnictva i stabilnaści.
My hatovyja da sustreč i sumiesnaj kanstruktyŭnaj pracy na karyść abodvuch narodaŭ, a taksama dziela miru, biaśpieki i stabilnaści ŭ Jeŭropie», — havorycca ŭ vinšavańni.