Polšča pačała budavać novuju zaharodu na miažy ź Biełaruśsiu
Na polska-biełaruskaj miažy pačałosia budaŭnictva dadatkovaj śpiecyjalnaj zaharody, jakaja pavinna ŭzmacnić isnujučy barjer, paviedamlaje RMF FM. Heta čatyrochmietrovaja sietka kala techničnaj darohi, uviančanaja kalučym drotam, a dadatkova — skrutki drotu i dvuchmietrovaja aharodža z boku lesu, jakaja pavinna abaraniać žyvioł ad ranieńniaŭ.
Ilustracyjny zdymak. Fota: AP Photo / Rafal Niedzielski
Budaŭnictva zaharody pačałosia adnačasova ŭ piaci miescach.
«My vyznačyli ich z punktu hledžańnia mahčymaha pierasiačeńnia miažy asobami, jakija chočuć trapić u našu krainu nielehalna», — prakamientavaŭ kamiendant Padlašskaha adździeła polskaj pamiežnaj słužby hienierał Słavamir Klakotka.
Novaja ŭstanoŭka zapavolić sproby nielehalnaha pierasiačeńnia miažy mihrantami.
«Heta daść nam čas na reahavańnie. Tut užo budzie vielmi vialiki šaniec, kab hetych asob pierš za ŭsio zatrymać i adabrać u ich instrumienty, bo ŭsio heta budzie adbyvacca ŭžo całkam na polskim baku», — kaža hienierał Klakotka.
Zaharoda pavinna źjavicca da kanca viasny na ŭsim 186‑kiłamietrovym učastku miažy na Padlaššy.