U Žłobinie miascovym uładam nahadali pra daŭno zabyty daŭhabud

U Žłobinie znajšli i aktualizavali zakinuty doŭhabud — basiejn «Delfin», pra jaki miascovyja ŭłady faktyčna «zabylisia» na bolš čym 10 hadoŭ.

Fota: t.me/kgk_oficial

Rekanstrukcyja abjekta pačałasia jašče ŭ 2013 hodzie, ale chutka była spyniena i z taho času raboty nie vialisia. Uvieś hety čas budynak stajaŭ niedabudavany — ź bietonam i hołymi ścienami. Pry hetym jon navat nie značyŭsia ŭ aficyjnaj spravazdačnaści jak prablemny abjekt.

Jak adznačyli ŭ Kamitecie dziaržaŭnaha kantrolu, basiejn znachodzicca ŭ centry žyłoj zabudovy, pamiž dźviuma škołami, ale pa niejkich pryčynach vypaŭ z-pad uvahi miascovych uładaŭ. Zakazčyk budaŭnictva — Žłobinskaje UKB — doŭhi čas nie paviedamlała pra najaŭnaść hetaha daŭhabuda.

Fota: t.me/kgk_oficial

Situacyja źmianiłasia tolki paśla pravierki kantrolnaha orhana. U vyniku abjekt uklučyli ŭ inviestycyjnuju prahramu Homielskaj vobłaści, što aznačaje vydzialeńnie finansavańnia i adnaŭleńnie rabot.

Pavodle płanaŭ, rekanstrukcyju źbirajucca adnavić u 2027 hodzie.

Fota: t.me/kgk_oficial

Pa vynikach pravierki słužbovych asob, adkaznych za situacyju, pryciahnuli da dyscyplinarnaj i administracyjnaj adkaznaści.

Kamientary da artykuła