Paŭdniovaja Kareja ŭvodzić bazavy ŭniviersalny dostup da mabilnaha internetu
Kožnamu žycharu krainy harantujecca biaspłatny internet z chutkaściu 400 kbit/s.
Fota: Chung Sung-Jun/Getty Images
«Ministerstva navuki pradstaviła inicyjatyvu aficyjnaj zajavaj i nahladnaj infahrafikaj. Zhodna z płanam, bolš za siem miljonaŭ abanientaŭ atrymajuć nieabmiežavany dostup da internetu na chutkaści 400 kbit/s paśla vyčarpańnia asnoŭnaha pakieta trafiku.
Da prahramy ŭžo dałučylisia najbujniejšyja apieratary krainy — SK Telecom, KT Corporation i LG Uplus.
Vice-premjer i ministr navuki i IKT Pe Kionchun padkreśliŭ, što dostup da anłajn-servisaŭ staŭ žyćciovaj nieabchodnaściu.
Akramia taho, pavodle jaho słoŭ, telekamunikacyjnyja kampanii pavinny adnavić davier hramadstva paśla šerahu niadaŭnich incydentaŭ: maštabnaj uciečki danych u SK Telecom z-za słaboj abarony, a taksama źjaŭleńnia 3 TB danych LG Uplus u darknecie».