Čarnieckaha zvolnili z pasady ministra kultury ŭ toj čas, pakul jon sustrakaŭsia z pasłom Tanzanii
Pa łukašenkaŭskaj zaviadzioncy top-čynoŭnikaŭ nie infarmujuć pra toje, što na ich miesca pryznačajuć inšaha čałavieka.
Rusłan Čarniecki (sprava). Fota: Ministerstva kultury
Ministr kultury Rusłan Čarniecki siońnia sustreŭsia z pasłom Tanzanii ŭ Rasii i Biełarusi pa sumiaščalnictvie Ibrachimam Kibutam. Siońnia ž stała viadoma, što Čarniecki adpraŭleny ŭ adstaŭku.
Rusłanu Čarnieckamu — 44 hady. U 2010 hodzie skončyŭ zavočnaje adździaleńnie Biełaruskaj dziaržaŭnaj akademii mastactvaŭ pa śpiecyjalnaści «akcior dramatyčnaha teatra i kino» (kurs Zoi Biełachvościk).
Z 2005 hoda pracavaŭ u Teatry imia Maksima Horkaha, na telebačańni, u pryvatnaści na ANT u «Našaj ranicy». Zdymajecca ŭ kino, u filmie «Kupała», što tak i nie vyjšaŭ na ekrany, jon syhraŭ Antona Łuckieviča.
U 2024 hodzie byŭ abrany deputatam Pałaty pradstaŭnikoŭ. Ministram kultury byŭ sa śniežnia 2024-ha.
Novym ministram kultury pryznačany eks-ministr infarmacyi Marat Markaŭ.