Kalinoŭka Anastasija «Sievier» Machamiet stanie namieśnicaj pradstaŭnicy APK pa sacyjalnaj palitycy
Jana budzie zajmacca kirunkam pracy z dobraachvotnikami i ich siemjami.
Fota: APK
Namieśnicaj pradstaŭnicy Abjadnanaha pierachodnaha kabinieta pa sacyjalnaj palitycy Volhi Zazulinskaj pryznačanaja vieteran vajny va Ukrainie i miedyk Anastasija «Sievier» Machamiet.
Jana budzie zajmacca kirunkam pracy z dobraachvotnikami i ich siemjami.
Kandydaturu namieśnicy ŭzhadniła kiraŭnica APK Śviatłana Cichanoŭskaja.
«Kirunak pracy z dobraachvotnikami vielmi važny dla našaha pradstaŭnictva i ŭsiaho Abjadnanaha Pierachodnaha Kabinieta. I ja vielmi rada, što im zojmiecca Anastasija, jakaja maje adpaviedny dośvied i ŭciahnutaść u temu», — adznačyła Volha Zazulinskaja.
Anastasija «Sievier» Machamiet pachodzić ź Ivacevičaŭ, maje miedyčnuju adukacyju i dośvied pracy miedykam. Udzielnica mirnych pratestaŭ 2020—2021 hh. Źjaŭlajecca adnoj z zasnavalnic niezaležnaj prafsajuznaj arhanizacyi studentaŭ Biełaruskaha dziaržaŭnaha miedycynskaha ŭniviersiteta. U kancy 2021 hoda była vymušana pakinuć krainu, nie skončyŭšy internaturu.
Paśla pačatku poŭnamaštabniej ahresii Rasijskaj Fiederacyi suprać Ukrainy ŭ 2022 hodzie dałučyłasia da pałka imia Kastusia Kalinoŭskaha, zajmała pasadu kamandzira miedycynskaj roty, zabiaśpiečvała arhanizacyju miedycynskaj dapamohi i evakuacyju paranienych u zonie bajavych dziejańniaŭ. U 2025 hodzie zakončyła vajskovuju słužbu pa stanie zdaroŭja, maje status vieterana, bajavyja ŭznaharody.
Zavočna asudžanaja ŭ Biełarusi pa palityčnych matyvach da 18 hadoŭ pazbaŭleńnia voli.