USU znoŭ atakavali port Uść-Łuha: paškodžanyja try reziervuary

Hienieralny štab Uzbrojenych sił Ukrainy paviedamiŭ pra novuju ataku na naftavy terminał «Uść Łuha Ojł» u porcie Uść-Łuha ŭ Leninhradskaj vobłaści Rasii ŭ noč na 7 krasavika. Jak śćviardžajecca, paciarpieli try reziervuary, jakija naležać kampanii «Transnafta-Bałtyka».

Fota ilustracyjnaje

Hety abjekt źjaŭlajecca važnaj častkaj infrastruktury ekspartu naftapraduktaŭ, a atrymanyja ad jaho srodki, jak adznačajecca, vykarystoŭvajucca dla finansavańnia vajennych dziejańniaŭ suprać Ukrainy.

Raniej 7 krasavika ŭkrainski Telegram-kanał Exilenova+ paviedamlaŭ pra novuju ataku pa porcie Uść-Łuha paśla paviedamleńnia pra jaho častkovaje adnaŭleńnie pracy.

Hubiernatar Leninhradskaj vobłaści Alaksandr Draździenka paćvierdziŭ ataku BPŁA. Jon śćviardžaŭ, što supraćpavietranaja abarona «źbiła» 22 bieśpiłotniki ŭ rehijonie.

Pierad tym, 5 krasavika, padčas ataki na port Prymorsk u toj ža Leninhradskaj vobłaści byli taksama paškodžanyja reziervuary, što pryviało da pažaru. U toj ža pieryjad byli zafiksavanyja paškodžańni na adnym z naftapierapracoŭčych abjektaŭ u Nižaharodskaj vobłaści Rasii.

Na tyja ž party rabilisia ataki i ŭ papiarednija dni, paśla čaho ŭ rehijonie naziralisia pažary i pieraboi ŭ pracy. Paśla hetych udaraŭ abjomy ekspartu nafty praz bałtyjskija party Rasii źnizilisia da minimalnych značeńniaŭ z momantu pačatku vajny ŭ 2022 hodzie.

Kamientary da artykuła