Niečakana pamior 35‑hadovy muzyka Dźmitryj Pisanik — bajanist hurta «Nieba Sound»

Duet bajanistaŭ aktyŭna vystupaŭ jak u Biełarusi, tak i za jaje miežami. Spačuvańnie vykazała navat niaviestka Łukašenki Hanna Siałuk.

U składzie dueta bajanistaŭ «Nieba Sound» byli Dźmitryj Pisanik i Andrej Daŭženka. Jany pracavali ŭ staličnym teatry estrady, udzielničali ŭ roznych praŭładnych mierapryjemstvach — naprykład, u «Kupalli» ŭ Aleksandryi. Vystupali i na «Marafonie adzinstva» ŭ padtrymku Łukašenki na apošnich vybarach, i na Usiebiełaruskim narodnym schodzie.

Letaś bajanisty ŭdzielničali ŭ kancercie da Dnia jadnańnia Biełarusi i Rasii. Artysty pisali, što mastactva abjadnoŭvaje lepš za lubyja miežy.

Darečy, u Rasii «Nieba Sound» taksama kali-niekali vystupaŭ. Ale byli i bolš dalnija hastroli. U 2024 hodzie hurt davaŭ kancerty ŭ Šanchai — pradstaŭlaŭ Biełaruś na siomaj Kitajskaj mižnarodnaj vystavie impartu.

Hrali jak staryja pieśni, tak i trendy z tyktoku. Rabili kaviery na pieśni Hanny Siałuk.

Siońnia ŭ instahramie hurta paviedamili, što 35‑hadovy Dźmitryj Pisanik raptoŭna skanaŭ. Jak rastłumačyli śpiavačcy Alenie Łanskoj u kamientarach, pryčyna śmierci — tromb, jaki adarvaŭsia.

Vykazać spačuvańni ŭ kamientary pryjšli Žanet, Hierman Citoŭ, Volha Ryžykava i inšyja. Navat niaviestka Łukašenki Hanna Siałuk napisała: «Prymicie ščyryja spačuvańni. Usim rodnym i blizkim, siabram. Carstva niabiesnaje i śvietłaja pamiać Dźmitryju».

Kamientary da artykuła