U Biełarusi raspracavali kalkulatar chutkaści stareńnia
Biełaruskija navukoŭcy raspracavali śpiecyjalny anłajn-kalkulatar, jaki dazvalaje vyznačyć bijałahičny ŭzrost čałavieka i chutkaść jaho stareńnia. Hety instrumient stvaryli ŭ Instytucie bijachimii bijałahična aktyŭnych złučeńniaŭ Nacyjanalnaj akademii navuk. Jon užo dastupny ŭ adkrytym dostupie na sajcie instytuta.
Zdymak ilustracyjny. Fota: «Naša Niva»
Kab atrymać vynik, treba ŭvieści niekalki paramietraŭ: datu naradžeńnia, rost, vahu, a taksama achop talii i ściohnaŭ. Na asnovie hetych danych kalkulatar raźličvaje nie tolki bijałahičny ŭzrost, ale i pakazvaje, ź jakoj chutkaściu stareje arhanizm.
Sens u tym, što bijałahičny ŭzrost moža adroźnivacca ad faktyčnaha. Kali jon bolšy — heta značyć, što čałaviek stareje chutčej, čym zvyčajna. Kali ž supadaje abo mienšy — arhanizm znachodzicca ŭ lepšym stanie.
Naprykład, pry lišniaj vazie i vialikich abjomach cieła bijałahičny ŭzrost moža być značna vyšejšy za realny. Ale kali pakazčyki ŭ miežach normy, to i ŭzrost arhanizma budzie adpaviadać sapraŭdnamu.
Navukoŭcy padkreślivajuć, što na stareńnie ŭpłyvajuć nie tolki ciełaskład, ale i inšyja faktary: spadčynnaść, ład žyćcia, stan imunitetu, najaŭnaść chraničnych zachvorvańniaŭ i ŭzrovień stresu.