Šar z kantrabandnymi cyharetami dalacieŭ amal da Varšavy
Mieteazond z kantrabandnymi cyharetami pryziamliŭsia ŭ lesie ŭ polskim Rudniku kala Minska-Mazavieckaha, što pad Varšavaj.
Zvyčajna šary nie dalatajuć tak daloka ŭhłyb terytoryi Polščy. Adlehłaść ad miažy ź Biełaruśsiu składaje kala 140 km.
Šar pieravoziŭ 4 tysiačy pačkaŭ cyharet biez polskich akcyznych marak, paviedamiŭ TVN24.
Palicyja i pažarnaja słužba ačapili ŭčastak lesu, dzie byŭ znojdzieny nieapaznany abjekt. U vyniku jaho padzieńnia nichto nie paciarpieŭ. Miarkujecca, što šar upaŭ na dreva i pavis na halinach.