Kolki hrošaj voźmuć ź litoŭskich pieravozčykaŭ za toje, što Łukašenka nie vypuskaŭ ich fury ź Biełarusi
Raniej Alaksandr Łukašenka nazyvaŭ ličbu ŭ 120 jeŭra ŭ sutki. Ale paśla razmovy sa śpiecpradstaŭnikom ZŠA Džonam Koŭłam taryf źniziŭ.
Taryf za zachoŭvańnie na placoŭkach značna źnižany, havoryć staršynia DMK Uładzimir Arłoŭski.
«Jon u razy mienšy za toj, jaki byŭ ustanoŭleny pieršapačatkova, — minimalny, zychodziačy tolki z tych zatrat, jakija panios uładalnik stajanak, zabiaśpiečvajučy zachavanaść transpartnych srodkaŭ», — zapeŭnivaje Arłoŭski.
Jon nie nazyvaje kankretnyja ličby, ale pryvodzić takija paraŭnańni.
Naprykład, za zachoŭvańnie pryčepa abo paŭpryčepa košt zachoŭvańnia bolš čym u siem razoŭ adroźnivajecca ŭ mienšy bok ad raniej ustanoŭlenaha taryfu. Kali poŭnaja sčepka — mienš u try razy.
«To-bok taryf taki, jaki pakryvaje tolki zatraty niepasredna zachavalnika hruzavikoŭ», — śćviardžaje Uładzimir Arłoŭski.