Prezident Litvy pra handal palitviaźniami: «Heta zamknionaje i vielmi zahannaje koła»
Prezident Litvy Hitanas Naŭsieda zajaviŭ, što «sprabavaŭ pierakanać» śpiecpradstaŭnika prezidenta ZŠA pa Biełarusi Džona Koŭła, što «treba być vielmi aściarožnymi, razmaŭlajučy ź biełaruskim dyktataram».
Hitanas Naŭsieda. Fota: «Naša Niva»
Realnyja dziejańni Łukašenki, miarkuje Naŭsieda, pakazvajuć, što toj «ni na jotu nie nabližajecca da Zachadu».
Namahańni ZŠA pa vyzvaleńni biełaruskich palitviaźniaŭ «zasłuhoŭvajuć pachvały», adnak Łukašenka «vykarystoŭvaje i hetaje pytańnie ŭ svaich metach»:
«Bačačy, što jamu vyhadna handlavać vyzvaleńniem palitviaźniaŭ i raźličvać na vyhadu ŭ inšych śfierach, jon, naadvarot, atrymlivaje matyŭ sadžać u turmy jašče bolš ludziej, kab u budučyni mieć hety ryčah dla atrymańnia jašče bolšaj vyhady. Heta, ja b skazaŭ, zamknionaje i vielmi zahannaje koła», — cytuje Naŭsiedu Litoŭskaje hramadskaje telebačańnie.
Čytajcie taksama:
Śpis palitviaźniaŭ, vyzvalenych 19 sakavika
Džon Koŭł apublikavaŭ FOTA z vyzvalenymi palitviaźniami, departavanymi ŭ Litvu
Mikoła Statkievič: Vitaju vas na voli! Vy — honar i sumleńnie našaj nacyi!
ZŠA zdymajuć sankcyi z «Bielinviestbanka», Banka raźvićcia i Ministerstva finansaŭ
Zapracavała haračaja linija dla svajakoŭ patencyjna vyzvalenych palitviaźniaŭ