Прэзідэнт Літвы пра гандаль палітвязнямі: «Гэта замкнёнае і вельмі заганнае кола»
Прэзідэнт Літвы Гітанас Наўседа заявіў, што «спрабаваў пераканаць» спецпрадстаўніка прэзідэнта ЗША па Беларусі Джона Коўла, што «трэба быць вельмі асцярожнымі, размаўляючы з беларускім дыктатарам».
Гітанас Наўседа. Фота: «Наша Ніва»
Рэальныя дзеянні Лукашэнкі, мяркуе Наўседа, паказваюць, што той «ні на ёту не набліжаецца да Захаду».
Намаганні ЗША па вызваленні беларускіх палітвязняў «заслугоўваюць пахвалы», аднак Лукашэнка «выкарыстоўвае і гэтае пытанне ў сваіх мэтах»:
«Бачачы, што яму выгадна гандляваць вызваленнем палітвязняў і разлічваць на выгаду ў іншых сферах, ён, наадварот, атрымлівае матыў саджаць у турмы яшчэ больш людзей, каб у будучыні мець гэты рычаг для атрымання яшчэ большай выгады. Гэта, я б сказаў, замкнёнае і вельмі заганнае кола», — цытуе Наўседу Літоўскае грамадскае тэлебачанне.
Чытайце таксама:
Спіс палітвязняў, вызваленых 19 сакавіка
Джон Коўл апублікаваў ФОТА з вызваленымі палітвязнямі, дэпартаванымі ў Літву
Мікола Статкевіч: Вітаю вас на волі! Вы — гонар і сумленне нашай нацыі!
ЗША здымаюць санкцыі з «Белінвестбанка», Банка развіцця і Міністэрства фінансаў
Запрацавала гарачая лінія для сваякоў патэнцыйна вызваленых палітвязняў