MARH zapatrabavała ad chakiejnaha «Dynama» tłumačeńniaŭ, čamu ŭ ich rezka padaražali kvitki
Ministerstva antymanapolnaha rehulavańnia i handlu (MARH) źviarnułasia da chakiejnaha kłuba «Dynama-Minsk» z patrabavańniem rastłumačyć, čamu kvitki na chatnija matčy płej-of Kantynientalnaj chakiejnaj lihi stali kaštavać tak doraha.
Fota: CHK «Dynama»
U viedamstvie chočuć atrymać padrabiaznaje abhruntavańnie cen, uklučajučy raźlik vydatkaŭ i farmiravańnie cany.
U paviedamleńni ministerstva adznačajecca, što ŭ siezonie 2025/2026 na «Minsk-Arenie» adbyłosia bolš za 30 chatnich matčaŭ, i ŭsie jany prajšli z poŭnymi trybunami — ahulnaja kolkaść hledačoŭ pieravysiła paŭmiljona čałaviek.
Raniej kłub značna pavysiŭ ceny na kvitki na płej-of, što i vyklikała ŭvahu MARH. Kvitki stali daražejšyja ŭdvaja-ŭtraja ŭ paraŭnańni ź minułym hodam.
Čytajcie taksama:
Chakiejnaje «Dynama» rezka padniało ceny na kvitki na płej-of KCHŁ
Chakiejnaha zaŭziatara i kiroŭcu asudzili za palityku. Padobna, što pa spravie Hajuna