Ad vajny ZŠA ŭ Iranie vyhady atrymlivaje Kitaj
Kitaj vyvučaje vajnu ZŠA suprać Irana, kab atrymać uroki dla mahčymych budučych kanfliktaŭ, u tym liku z Tajvaniem. Jak piša Bloomberg, heta dazvalaje Piekinu adsočvać stratehii i vajskovyja mahčymaści amierykancaŭ, a taksama vykarystoŭvać situacyju, kali ZŠA vymušanyja pierakidać resursy ź Inda-Cichaakijanskaha rehijonu na Blizki Uschod.
Kiraŭnik Kitaja Si Czińpin. Fota: Sergei Bobylev / Sputnik Kremlin Pool Photo via AP
Kitajskija ŭłady pakul nie krytykujuć ZŠA adkryta, ale ŭžo adsočvajuć mahčymaści. Naprykład, upłyvovy kitajski kamientatar Chu Sicziń adznačyŭ, što vajna pakazała kitajcam abmiežavanyja mahčymaści amierykanskaj armii suprać Irana, jaki ŭžo byŭ asłableny sankcyjami. Jon taksama zaŭvažyŭ, što choć niekatoryja amierykanskija elity jašče havorać pra supraćstajańnie z Kitajem, ale realnyja mahčymaści amierykancaŭ dasiahać pośpiechaŭ u Tajvańskim pralivie pad sumnievam.
Takim čynam, vajna ŭ pierśpiektyvie moža prynieści pieravahi ŭžo druhomu supierniku ZŠA paśla Rasii, jakaja atrymała vyhadu ad rostu koštaŭ na naftu i asłableńnia sankcyj.
Dla Kitaja taksama važna, što ZŠA chutka vydatkoŭvajuć svaje zapasy bojeprypasaŭ. Amierykanskim vojskam pryjšłosia vykarystoŭvać darahija rakiety-pierachopniki suprać iranskich abstrełaŭ, a niedarahija bieśpiłotniki Shahed-136 prymusili vydatkoŭvać sistemy abarony, pryznačanyja dla bolš składanaj zbroi.
Čytajcie taksama:
U Izraili zajavili pra namier zabivać luboha iranskaha vysokapastaŭlenaha dziejača
Zialenski: Vajna ŭ Iranie vyklikaje niadobryja pradčuvańni pra budučyniu Ukrainy