Pakistan znoŭ nanios udar pa Kabule
Ułady Afhanistana zajavili, što 16 sakavika pa stalicy krainy Kabule byli naniesienyja ŭdary z boku Pakistana. Pra heta paviedamiŭ pradstaŭnik urada ruchu Taliban Zabichuła Mudžachid. Jon nazvaŭ ataku «złačynstvam i aktam biesčałaviečnaści», piša AFP.
Zdymak ilustracyjny. Fota: AP Photo/Saqib Manzoor
Pa słovach afhanskich uładaŭ, pad udar trapiŭ narkałahičny centr. U vyniku zahinuli čatyry čałavieki, jašče niekalki atrymali ranieńni.
U Pakistanie svaju datyčnaść da ŭdaru pa balnicy admaŭlajuć. U pres-słužbie pakistanskaha ŭrada zajavili, što abvinavačańni biespadstaŭnyja i što ŭdary byli nakiravanyja vyklučna pa vajskovych, a nie pa cyvilnych abjektach.
U apošnija tydni pakistanskija ŭzbrojenyja siły ŭžo nieadnarazova nanosili ŭdary pa Kabule ŭ miežach kanfliktu pamiž Pakistanam i Afhanistanam.
Čytajcie taksama:
Pakistan nanios avijaŭdary pa vajskovych abjektach talibaŭ u Kabule