Učora ŭviečary ŭ centry Minska źnikła elektryčnaść
Učora kala 9‑j viečara ŭ centry stalicy raptam źnikła elektryčnaść: sacsietki napoŭnilisia ciomnymi fatahrafijami vidaŭ z voknaŭ. U Minenierha patłumačyli pryčynu.
Fota: Minenierha
«Uviečary, kala 21:00, u centralnaj častcy horada było zafiksavana parušeńnie elektrazabieśpiačeńnia ŭ rajonie vulic Niamiha, Rakaŭskaja, Ramanaŭskaja Słabada i praśpiekta Pieramožcaŭ.
Situacyju ŭziali pad kantrol śpiecyjalisty filijała «Minskija kabielnyja sietki». Na miesca nieadkładna vyjechali try avaryjna-adnaŭlenčyja bryhady.
Padčas apieratyŭnych rabot była vyjaŭlena pryčyna adklučeńnia — paškodžańnie kabielnaj linii 10 kV.
Pa stanie na 21:57 elektrazabieśpiačeńnie było poŭnaściu adnoŭlena».