Ksienija Sitnik stała mamaj

Pieramožca dziciačaha «Jeŭrabačańnia-2005» Ksienija Sitnik paviedamiła ŭ instahramie, što miesiac tamu naradziła dzicia.

Skrynšot ź videa

«Roŭna miesiac tamu, u lutaŭskuju piatnicu trynaccataha, ź mianie litaralna vyjšaŭ vydatny čałaviek. I jak pisaŭ kłasik: heta byŭ cudoŭny čas, heta byŭ žachlivy čas. Takoha sintezu ahonii, žyviolnaha strachu, kranalnaj lubovi i ŭdziačnaści ŭ adnym punkcie realnaści raniej adčuvać nie davodziłasia. Padobna na toje, mienavita heta i nazyvajecca — living my life like it's golden», napisała Ksienija Sitnik.

Da dopisu jana prykłała davoli śmiełaje svajo videa ŭ apošni pieryjad ciažarnaści. Padrabiaznaściaŭ pra dzicia jana nijakich nie dała, navat nie zhadała pra jahony poł.

Nahadajem: u navahodniuju noč Ksienija Sitnik prademanstravała ŭ instahramie šmatznačnaje fota — tady jana namiakała na toje, što atrymała prapanovu ruki i serca. Ale zdymki ŭ jaje padborcy byli zrobleny raniej.

Paśla Ksienija padahravała cikavaść padpisčykaŭ tym, što publikavała razmytyja videa, na jakich jana ŭ biełaj (imavierna, viasielnaj) sukiency. Aŭtarkaj videa stała jaje siabroŭka — pieršaja pradstaŭnica Biełarusi na dziciačym «Jeŭrabačańni» Volha Saciuk.

Chto ž abrańnik biełaruskaj zorki? Jana nie asabliva pakazvaje svajho kachanaha. Ale raniej «Naša Niva» vyśvietliła, pra kaho idzie havorka. Jon taksama žyvie ŭ Prazie. U akaŭncie paznačana, što mužčyna źviazany z kampanijaj, jakaja zajmajecca prajektavańniem i budavańniem pryvatnych damoŭ, i kampanijaj, jakaja vyroščvaje bansaj.

Kamientary da artykuła