Łukašenka pachvaliŭ Trampa i paraiŭ adpuścić Madura
Palityk pabačyŭ sprobu ZŠA vyjści z kanfliktu ź Iranam. Pra heta jon zajaviŭ, adkazvajučy na pytańni žurnalistaŭ, piša BiełTA.
Nikałasa Madura i jaho žonku dastaŭlajuć ź Vieniesueły na Manchetan (Ńju-Jork). Fota: XNY/Star Max/GC Images
Pa jaho słovach, ciapier u kanflikcie ź Iranam adnosnaje zacišša: «I pytańnie takoje: što rabić? Tramp kaža: «Nu što, my ŭžo ŭsio tam razbambili, nam tam rabić niama čaho». Heta ŭžo sproba vyjści z hetaj situacyi».
«I Donald Tramp tut maje racyju. Heta samy lepšy varyjant, — zajaviŭ Alaksandr Łukašenka. — Niachaj skažuć, što jany tam užo ŭsio razbambili. Ale vyjści (z vajny). Bo dalej budzie horš», — dadaŭ jon.
Łukašenka taksama paraiŭ ZŠA adpuścić Nikałasa Madura.
«Adpuścić Madura ci znajści niejki dypłamatyčny vychad. Kali treba, my hatovy dapamahčy ŭ hetym płanie, jany nas u heta ŭciahnuli», — skazaŭ jon.
Nikałasa Madura i jaho žonku zachapili 3 studzienia padčas śpiecapieracyi ZŠA ŭ Karakasie i dastavili ŭ ZŠA. Ich buduć sudzić pa abvinavačańniach u niezakonnym handli narkotykami i zbrojaj. Raniej paviedamlałasia, što pieršaje sudovaje pasiedžańnie pavinna prajści ŭ siaredzinie sakavika.
Čytajcie taksama:
Madura trymajuć u maleńkaj adzinočnaj kamiery
Tramp paabiacaŭ mocnyja ŭdary pa Iranie na nastupnym tydni
Iranski režym moža być zrynuty ŭžo ŭ nastupny aŭtorak — ekśpiert
Łukašenka pra Iran: My nie ŭviazvajemsia, my nie chočam svajoj krainie prablemy