Zialenski zajaviŭ, što zadača dasiahnieńnia miru staić vyšej za jaho asabistaje staŭleńnie da Pucina
«Mir — heta nie emacyjnaja reč. Nianaviść — heta emocyi», — skazaŭ prezident Ukrainy.
Fota: Mikhail Metzel, Sputnik, Kremlin Pool Photo via AP; AR
Uładzimir Zialenski zajaviŭ, što zadača dasiahnieńnia miru staić vyšej za emocyi i jaho asabistaje staŭleńnie da Ŭładzimira Pucina. Pra heta jon skazaŭ u intervju Politico.
«Nie, nichto, nichto nie kaža, što chto-niebudź budzie siabravać adzin z adnym. Nijakaj družby. Jon (prezident Uładzimir Pucin) sprabavaŭ akupavać nas. My adkazali, i jon straciŭ šmat vajskoŭcaŭ. Tamu takoje staŭleńnie zrazumiełaje, ale nam patrebny mir. Mir — heta nie emacyjnaja reč. Nianaviść — heta emocyi. Sprava nie ŭ asabistym staŭleńni. Sprava nie ŭ asobach», — skazaŭ Zialenski.
Jon taksama dadaŭ, što mirny dahavor nijak nie źviazany z asabistymi adnosinami z kiraŭnikami dziaržaŭ, bo heta kankretny dakumient, jaki «daść ludziam mahčymaść žyć».