Biełaruś uvajšła ŭ top-40 suśvietnych imparcioraŭ zbroi

U novym dakładzie Stakholmskaha mižnarodnaha instytuta daśledavańnia prablem miru (SIPRI) Biełaruś zhadanaja jak 32‑hi ŭ śviecie pakupnik zbroi. Abjomy zakupak skłali 0,9% ad suśvietnych, u papiaredni pieryjad (2016—2020 hadoŭ) jany byli na ŭzroŭni 0,5%, piša vydańnie «Biełorusy i rynok».

Zdymak ilustracyjny. Fota: t.me/novostistolina

Amal 100% uzbrajeńnia ŭ pieryjad 2021—2025 hadoŭ było atrymana ŭ Rasii. Ahułam Biełaruś stała trecim paśla Indyi (48%) i Kitaja (13%) pakupnikom rasijskaj zbroi z prykładna 13% ad usiaho ekspartu rasijskaha VPK. Mizernyja partyi zbroi (0,1% i mienš za 0,05%) u hetym pieryjadzie trapili ŭ Biełaruś z, adpaviedna, Irana i Kitaja.

Najbujniejšym imparcioram uzbrajeńniaŭ stała Ukraina z dolaj 9,7% ad sukupnych suśvietnych zakupak. Hałoŭnymi ich krynicami stali ZŠA (41%), Hiermanija (14%) i Polšča (9,4%).

Druhoje i treciaje miesca pa militaryzacyi zaniali Indyja (8,2% ad suśvietnaha impartu) i Saudaŭskaja Aravija (6,8%). Źviartaje na siabie ŭvahu aktyŭnaść takoj manarchii Piersidskaha zaliva, jak Katar. Hetaja kraina stała čaćviortaj z pakazčykam 6,4%.

A voś najbujniejšym eksparcioram, pavodle źviestak SIPRI, zastajucca ZŠA. Na ich u 2021—2025 hadach prypała 42% usiaho abjomu pastavak zbroi. Klučavymi pakupnikami amierykanskaj zbroi stali Saudaŭskaja Aravija (12%), Ukraina (9,4%) i Japonija (8,9%).

Kamientary da artykuła