Cana Brent adkaciłasia da $90 za baral na fonie abiacańniaŭ Trampa chutka skončyć vajnu suprać Irana

Učora cana pieravyšała $119.

Tankier u Armuzskim pralivie. Fota: Stringer/Anadolu via Getty Images

Jak piša The Bell, takoha ŭnutrydzionnaha dyjapazonu nie było nikoli ŭ historyi. Rynak vahaŭsia «miž strachami praciahłaha kanfliktu vakoł Irana i abiacańniami Trampa chutka skončyć vajnu i adkryć Armuzski praliŭ», adznačajuć žurnalisty.

Raniej Donald Tramp zajaviŭ, što ZŠA i Izrail «złamali» Iran i vajna amal skončanaja. Pavodle jaho słoŭ, u Tehierana nie zastałosia «ni fłota, ni suviazi, ni vajenna-pavietranych sił». Akramia taho, palityk pahražaŭ, što Iran adpłacić, kali budzie pieraškadžać sudnachodstvu ŭ Armuzskim pralivie.

Taksama jon abjaviŭ, što Vašynhton razhladaje šerah mier dla strymlivańnia rostu cen na naftu. Siarod ich, vierahodna, moža być častkovaje pasłableńnie sankcyj suprać rasijskaj nafty. Heta dapamoža pavialičyć suśvietnuju prapanovu i źnizić ceny, piša ahienctva Reuters.

Kamientary da artykuła