Tramp pazvaniŭ Pucinu, kab abmierkavać Iran i Ukrainu
Pamočnik prezidenta Rasii Juryj Ušakoŭ paviedamiŭ TASS padrabiaznaści novaj telefonnaj razmovy pamiž prezidentam ZŠA Donaldam Trampam i prezidentam Rasii Uładzimiram Pucinym.
Prezident Rasii Uładzimir Pucin i prezident ZŠA Donald Tramp padčas sustrečy na Alascy 15 žniŭnia 2025 hoda. Fota: Andrew Harnik / Getty Images
Sa słoŭ Ušakova, inicyjataram razmovy staŭ Tramp. Hutarka doŭžyłasia amal paŭtary hadziny. Asnoŭnaja ŭvaha była nadadziena situacyi vakoł kanfliktu ź Iranam, a taksama mahčymym trochbakovym pieramovam ab urehulavańni vajny pamiž Rasijaj i Ukrainaj.
Adznačajecca, što baki abmierkavali hetyja pytańni davoli kankretna i abmianialisia mierkavańniami. Tramp zajaviŭ, što zacikaŭleny ŭ tym, kab vajna pamiž Rasijaj i Ukrainaj jak maha chutčej zaviaršyłasia spynieńniem ahniu i nastupnym doŭhaterminovym mirnym urehulavańniem.
Taksama jon padkreśliŭ važnaść rehularnych kantaktaŭ pamiž bakami i prapanavaŭ padtrymlivać pastajannuju suviaź.
Ušakoŭ padkreśliŭ, što Pucin padčas razmovy «adznačyŭ paśpiachovaje prasoŭvańnie rasijskich vajskoŭcaŭ padčas SVA, što pavinna padšturchnuć Kijeŭ da pieramoŭ».
Taksama padčas hetaj razmovy abmiarkoŭvałasia tema Vieniesueły.
Čytajcie taksama:
U čym roźnica pamiž Trampam u Iranie i Pucinym va Ukrainie
Tramp źbirajecca admianiać sankcyi suprać Rasii, kali jana pojdzie na mir
Zialenski miarkuje, što možna dasiahnuć miru va Ukrainie da listapada