U Japonii ŭchvalili pieršy ŭ śviecie kletkavy preparat ad chvaroby Parkinsona

U Japonii častkova dazvolili vykarystoŭvać preparat dla lačeńnia chvaroby Parkinsona. Jon staŭ pieršym u śviecie srodkam, stvoranym na asnovie indukavanych plurypatentnych stvałavych kletak, tak zvanych iPS-kletak. Pra heta paviedamili ŭ Instytucie daśledavańnia i prymianieńnia iPS-kletak pry Kijockim univiersitecie.

Zdymak ilustracyjny

Kiraŭnik instytuta Dziun Takachasi nazvaŭ heta važnym krokam napierad i zajaviŭ, što daśledčyki buduć imknucca zrabić novy mietad lačeńnia zvyčajnaj i nadziejnaj miedycynskaj praktykaj.

Novy preparat utrymlivaje niervovyja kletki, jakija vyroščvajucca z iPS-kletak u łabaratoryi. Ich płanujuć pierasadžvać pacyjentam z chvarobaj Parkinsona, kab zamianić paškodžanyja kletki mozhu. Padčas kliničnych vyprabavańniaŭ, vyniki jakich byli pradstaŭlenyja ŭ minułym hodzie, u niekatorych pacyjentaŭ paśla takoj transpłantacyi naziralisia prykmietnyja palapšeńni stanu.

Paśla hetych vyprabavańniaŭ farmaceŭtyčnaja kampanija padała zajaŭku na rehistracyju preparata pad handlovaj nazvaj Amshepri. Razhlad adbyvaŭsia pa paskoranaj pracedury.

Akramia taho, častkovaje ŭchvaleńnie atrymaŭ jašče adzin preparat na asnovie iPS-kletak — dla lačeńnia išemičnaj kardyjamijapatyi. Adznačajecca, što abodva raspracavanyja srodki pakul nie majuć anałahaŭ u śviecie.

Kamientary da artykuła