«Časta na «chimii» składana rabić samyja prostyja rečy». Cichanoŭskaja vykazała spačuvańni z pryčyny śmierci Aleny Pankovaj
Demakratyčnaja lidarka Biełarusi prakamientavała śmierć Aleny Pankovaj, što adbyvała chatniuju chimiju.
«Vielmi baluča čytać pra śmierć Aleny Pankovaj. Joj było tolki 54. Alena była asudžanaja za ŭdzieł u pratestach i adbyvała «chatniuju chimiju»: žyćcio pa žorstkim hrafiku i pad pastajannym kantrolem. Časta na «chimii» składana rabić samyja prostyja rečy, u tym liku kłapacicca pra svajo zdaroŭje, bo navat dla zvyčajnaha vizitu da lekara treba prasić dazvoł i ŭzhadniać kožny krok. Heta ciažka ŭjavić, ale tak vyhladaje štodzionnaść ludziej, jakich karajuć za hramadzianskuju pazicyju. Vykazvaju ščyryja spačuvańni rodnym i blizkim Aleny i asobna — jaje 18‑hadovamu synu. Siły vam», — napisała Cichanoŭskaja ŭ svaim telehram-kanale.