U Minsk źbirajecca pryjechać prezident Hany
Ministr zamiežnych spraŭ Biełarusi Maksim Ryžankoŭ abmierkavaŭ u Hanie padrychtoŭku budučaha vizitu prezidenta hetaj krainy Džona Dramani Machamy ŭ Biełaruś. Pieramovy jon pravioŭ sa svaim hanskim kaleham Samuelem Akudzieta Abłakvam, paviedamlaje pres-słužba MZS.
Maksim Ryžankoŭ (źleva) sa svaim hanskim kaleham Samuelem Akudzieta Abłakvam. Fota: Foto: mfa.gov.by
Za dzień da taho Ryžankoŭ pieradaŭ Machamie zaprašeńnie ad Alaksandra Łukašenki naviedać Biełaruś. Prezident Hany pryniaŭ zaprašeńnie i prapanavaŭ uzhadnić daty vizitu praz dypłamatyčnyja kanały. Jon taksama pieradaŭ u adkaz dobryja zyčeńni Łukašenku i zhadaŭ pra svaju nieaficyjnuju pajezdku ŭ Biełaruś u 2024 hodzie.
Baki abmierkavali prahramu vizitu i pieralik mižnarodnych dakumientaŭ, jakija płanujecca padpisać. Siarod ich — pahadnieńni pra biaźvizavyja pajezdki z dypłamatyčnymi i słužbovymi pašpartami, supracoŭnictva ŭ śfiery sielskaj haspadarki, ekspartnyja kredyty, stvareńnie mižuradavaj kamisii pa handlova-ekanamičnym supracoŭnictvie, a taksama inšyja damoŭlenaści.
Paćvierdžany namier raźvivać supracoŭnictva ŭ palityčnaj śfiery, sielskaj haspadarcy, baraćbie z teraryzmam i adukacyjnych prahramach. Abmiarkoŭvałasia taksama praviadzieńnie ŭ Minsku biznes– i inviestycyjnaha forumu z udziełam pradstaŭnikoŭ dziełavych kołaŭ dźviuch krain.
Čytajcie taksama:
Ministra Ryžankova zdymajuć z kiraŭnictva Fiederacyi baskietboła
Ryžankoŭ nie palacieŭ na Radu miru, bo jamu nie dali vizu
Ryžankoŭ zamiest pajezdki ŭ Vašynhton pajšoŭ na litaraturnuju viečarynu ŭ Minsku
Ryžankoŭ spadziajecca na chutkaje adnaŭleńnie adnosin z Polščaj, ale nie ź Litvoj