Praz zboj, jaki zakranuŭ elektrazaradki, uźnikli prablemy z nabyćciom kvitkoŭ na aŭtobusy
Kampanija Infobus paviedamiła, što pošuk i kupla kvitkoŭ u jaje časova niedastupnyja, piša Devby.io.
«Vymušanyja paviedamić, što pavodle infarmacyi ad kampanii MTS, u vyniku avaryjnaj situacyi na abstalavańni vobłačnaj płatformy Huawei adbyŭsia časovy zboj u pracy servisu INFOBUS.BY», — havorycca ŭ paście pieravozčyka ŭ sacsietkach.
Śpiecyjalisty ŭžo ŭsio ramantujuć.
«Pakolki niama suviazi ź siervieram BY, prodažy na jeŭrapiejskim sajcie ŭsich rejsaŭ, źviazanych z RB, adklučanyja», — patłumačyła kampanija na pytańnie ab tym, ci možna kupić kvitki z damiena eu.
Zboj, jaki zakranuŭ sietku stancyj siłkavańnia Malanka, doŭžycca ŭžo šmat hadzin.
«Z nočy nie mahu kupić kvitok praz «Infabus». Ciapier pryjdziecca jechać na aŭtavakzał i stajać u čarzie», — napisaŭ adzin z čytačoŭ tochka.by.
Čytajcie taksama:
Adbyŭsia zboj u pracy zaradnych stancyj Malanka
U Biełarusi istotna pavialičać kolkaść stancyj dla zaradki elektrakaraŭ
Bujnaja sietka zaradnych stancyj zapuściła ŠI-taryfy dla elektrakaraŭ
Zdać sakavickija kvitki na Dubaj abo z Dubaja možna budzie biez štrafu