U Hrodnie pieraviarnuŭsia katafałk, na darohu vypała truna
Siońnia ranicaj u Hrodnie adbyłasia avaryja, jakaja šakavała vidavočcaŭ. Kala handlovaha centra Triniti sutyknulisia katafałk, lehkavik i hruzavy MAZ, jaki čyściŭ vulicy.
Pavodle słoŭ śviedak, lehkavik i katafałk sprabavali prajechać kalco naprastki, parušajučy praviły, i ŭ hety momant u ich urezaŭsia hruzavik, jaki ruchaŭsia pa kruzie.
«Hruzavik zajechaŭ u katafałk, toj pierakuliŭsia, a truna na darozie apynułasia. Hladžu — viečka adkryłasia. A lehkavy aŭtamabil — z paškodžanym pieradam», — raspavioŭ padrabiaznaści avaryi čytač partała «AŭtaHrodna».
Udar byŭ takoj siły, što katafałk pierakuliŭsia na bok. Z mašyny na asfalt vypała truna, u jakoj ad udaru adčyniłasia nakryŭka. Ci byŭ tam niabožčyk, nie paviedamlajecca.