Z Dubaja vylecieŭ pieršy vyvazny rejs «Biełavija» na Minsk
Rejs B2718 avijakampanii «Biełavija» vylecieŭ z Dubaja ŭ Minsk. Na borcie znachodziacca 189 pasažyraŭ. Heta vyvazny rejs, jaki dastavić u stalicu ludziej ź biletami na 28 lutaha, paviedamlaje pres-słužba avijakampanii.
Zdymak ilustracyjny. Fota: lookby.media
Samalot ruchajecca pa biaśpiečnym maršrucie, abychodziačy niebiaśpiečnyja terytoryi. Z-za abychodu płanujecca techničnaja pasadka ŭ kazachstanskim horadzie Aktau dla dazapraŭki, paśla čaho rejs praciahnie šlach u Nacyjanalny aeraport Minsk. Čakajecca, što prybyćcio ŭ biełaruskuju stalicu adbudziecca paśla druhoj hadziny nočy pa minskim časie.
Vyvaznyja rejsy taksama zapłanavanyja na 4 i 5 sakavika na bolš vialikich samalotach. Ź Minska ŭ Dubaj jany palaciać biez pasažyraŭ.
Čytajcie taksama:
«Poŭnaja niavyznačanaść». Što budzie z turystami, jakija płanavali adpačynak u AAE ŭ sakaviku?
Učarašni čartarny rejs Minsk — Sałała viartajecca ŭ Minsk
«Basiejny zakrytyja, na plažy rekamiendujuć nie chadzić». Što kažuć turysty ŭ AAE i Katary